Opening Bell: માર્કેટ ખુલતાં જ સેન્સેક્સ 400થી વધુ પોઈન્ટ તૂટ્યો

સતત બે સત્રની રિકવરી બાદ બુધવારે ભારતીય શેરબજાર સામાન્ય ઘટાડા સાથે ખૂલ્યું છે. સેન્સેક્સ 102.43 પોઈન્ટ ઘટી 72,965.38 પર 0.14% ઘટાડા સાથે ખુલ્યો છે. નિફ્ટી50 85.65 પોઈન્ટ ઘટી 22,690.45 પર 0.38% ઘટાડા સાથે ખુલ્યો છે.

વૈશ્વિક બજારોમાંથી મિશ્ર સંકેત મળી રહ્યા છે. અમેરિકાના મુખ્ય સૂચકાંકોમાં તેજી જોવા મળી છે, જ્યારે એશિયન બજારો રેકોર્ડ સ્તરની નજીક સ્થિર રહ્યા છે. બીજી તરફ, બ્રેન્ટ ક્રૂડનો ભાવ બેરલદીઠ 101 ડોલરને પાર પહોંચ્યો છે અને વિદેશી સંસ્થાકીય રોકાણકારોની વેચવાલી સતત આઠમા સત્રમાં પણ ચાલુ રહી છે. વહેલી સવારના કારોબારમાં GIFT Nifty આશરે 22,743.50 પર ટ્રેડ થઈ રહ્યો હતો, જેમાં લગભગ 30 પોઇન્ટનો ઘટાડો હતો. આ સંકેત ભારતીય બજારમાં સપાટથી સામાન્ય નકારાત્મક શરૂઆતની શક્યતા દર્શાવે છે.

6 ઑક્ટોબરે ભારતીય શેરબજારમાં સતત બીજા સત્રમાં સુધારો જોવા મળ્યો હતો. વિવિધ ક્ષેત્રોના શેરોમાં ખરીદી અને સકારાત્મક વૈશ્વિક સંકેતોને કારણે નિફ્ટીએ 22,700ની સપાટી ફરી હાંસલ કરી હતી, જ્યારે સેન્સેક્સમાં 600 પોઇન્ટથી વધુનો વધારો નોંધાયો હતો. કારોબારના અંતે સેન્સેક્સ 685.34 પોઇન્ટ અથવા 0.95 ટકા વધીને 73,067.81 પર બંધ થયો હતો. નિફ્ટી 220.35 પોઇન્ટ અથવા 0.98 ટકાના વધારા સાથે 22,776.10 પર પહોંચ્યો હતો. મોટી કંપનીઓની સાથે મધ્યમ અને નાની કંપનીઓના શેરોમાં પણ ખરીદી જોવા મળી હતી. નિફ્ટી મિડકેપ ઇન્ડેક્સમાં આશરે 1 ટકા અને સ્મોલકેપ ઇન્ડેક્સમાં 1.5 ટકાનો વધારો થયો હતો.

આ પણ વાંચો: રિઝર્વ બેન્ક બુધવારે વ્યાજદરમાં વધારો મુલતવી રાખી શકે

આ પણ જુઓ:

Watch onYouTube